المقادير :
-بطاطا تكون على حساب البلا اللي حطيبي فيه على حساب زوج تفريشات
-500غ كفتة و مالاحسن تكون تع دجاج
-2 حبات بصلة*كبيرة*
-2 حبات طماطم
-ملح ،فلفل أسود
- جبن رابي
- جبن عادي مقطع مكعبات
* البيشاميل :
- 4 ملاعق كبيرة زبدة
-4 ملاعق كبيرة فرينةََ
- 4 كيسان حليب
طريقة التحضير :
1- نقطعوا البطاطا الى مكعبات صغيرة نملحوها و نقليوها عادي
2- نرابيو البصلة و الطماطو و نقليوهم مليح و ماننساوش الملح و الفلفل الاسود و نحطوها على جيهة
3- في نقليو الكفتة و مبعد نخلطوها مع البصلة و الطماطم فالمقلاة نفسها
4- ندهنو البلا نتاعنا بالزبدة و نحطو فيه الطبقة الاولى تع البطاطا المقلية و نزيدو فوقها الخليط تع الكفتة نحطو الجبن المقطع الى مكعبات و مبعدها نزيدو الطبفة الثانية تع البطاطا و درك نحضرو البيشاميل ندوبو الزبدة و نزيدو معاها الفرينة مع التخليط الدائم و نزيدو الحليب دايما مع التخليط حتى متتكورش الفرينة و ماننساوش الملح و الفلفل الاسود بعد ماتتحضر البيشاميل نحطوها فوق الطبقة الثانية تع البطاطا و أخيرا نحطو الجبن الراببي ندخلو البلا للكوشة على درجة حرارة 180درجة حتى تتحمر
و أخيرا بالصخة و الهنا
