قالك زوز سكرانين كانو قاعدين عقب عليهم قط تكلم واحد قالو شوف هذاك القط باين جيعان مسكين
قالو لاخر ماهوش قط راهي قطة وناضو يدابزو واحد يقول قط وواحد يقول قطة
جا عاقب عليهم واحد سكران اكتر منهم قالولو ياخويا نصقصوك
هذاك قط ولا قطة
قاللهم نقلكم يا خياني
حطولو طبسي حليب اذا شرب راهو قط و اذا شربت راهي قطة
قالك كاين طفل يقرء في المدرسة الابتدائية باباه مسؤول كبير في الدولة واحد النهار
قالهم المعلم يا اولاد قولولي حيوان يطير
قالو الطفل هداك الفيل
قالو المعلم لا
ناض الطفل هداك يعيط الفيل يطير الفيل يطير
قالهم المعلم عيطو للمدير
جا المدير قالو المعلم هادا الطفل يقول بلي الفيل يطير
شاف فيه المدير عرفو و عرف باباه
قال للمعلم راهو الفيل يطيرخير من نطير انا و انت
قالك واحد المرة الماني و سنغالي وجزائري يمشو في الصحراء
لقاو المصباح السحري خرج منو عفريت قالهم شبيك لوبيك واش تطلب نعطيلك
قالو الالماني اعطيني المال عطاه 10فليزات دراهم
قالو السنغالي رجعني ابيض كي الالماني ثمثم قلبو ابيض العينين زرق و الشعر اصفر
قالو الجزائري نقلك رجع السنغالي كيما كان
منو هكذا الحيوانات تعود تطلب في الدراهم مش الماكلة
شوفو القط كيفاه يطلب مياا مياااا ميااااا
والكلب الف الف الف الف الف الف
والمعزة ستميااااااااا
ستميااااااا ستمياااااااا
والبقرة مليون مليون مليون
قالك كاين واحد مريض بمرض السكر زوج وحدة مريضة بالسكر حتاهي
بعد عام ولدو طفل يتلصق